Ish-ministri i Punëve të Jashtme të Kosovës, Enver Hoxhaj ka publikuar një video nga fjalimi i Presidentit amerikan Donald Trump gjatë ngjarjes tradicionale National Prayer Breakfast në Shtetet e Bashkuara të Amerikës.
Hoxhaj ka theksuar se Kosova vazhdon të jetë në mendje dhe në zemër të Presidentit Trump, duke e cilësuar pjesëmarrjen e tij në këtë ngjarje si kënaqësi të veçantë.
“Kosova është sërish në mendje dhe në zemër të Presidentit Trump gjatë Lutjeve të Mëngjesit. Kënaqësi të isha pjesë e kësaj ngjarjeje”, ka shkruar Hoxhaj, duke shpërndarë edhe pamje nga fjalimi i Trump.
Ngjarja e Lutjeve të Mëngjesit mbledh çdo vit liderë politikë, diplomatë dhe përfaqësues institucionalë nga mbarë bota, ndërsa përmendja e Kosovës nga Presidenti amerikan shihet si sinjal i vazhdueshëm i vëmendjes së SHBA-së ndaj rajonit dhe vendit.
