Lajmi nga stërvitja e sotme e skuadrës spanjolle, rivales së Shqipërisë në Euro2024 është mungesa e Aymeric Laporte. Mbrojtësi qendror i Al-Nassr vuan nga shqetësimi i muskujve.
Laporte, i cili do të udhëtojë drejt Berlinit së bashku me shokët e tjerë të skuadrës është praktikisht i përjashtuar për debutimin ndaj Kroacisë, gjë që sqaron dyshimet në mbrojtje të Luis de la Fuente.
Këtë javë pati spekulime për çiftin e mundshëm të qendërmbrojtjes, por ky skenar i ri i qartëson gjërat. Nacho dhe Le Normand do të jenë dyshja startuese kundër Kroacisë këtë të shtunë në orën 18:00 në stadiumin Olimpik të Berlinit.
Në miqësoren e fundit përgatitore, Laporte luajti 38 minuta kundër Irlandës së Veriut në pjesën e dytë të ndeshjes dhe pavarësisht shqetësimit ai do të udhëtojë nesër në Berlin me pjesën tjetër të shokëve të tij.
