Ditën e sotme në Korçë është arrestuar një 57-vjeçar i cili ishte i dënuar me 15 vite burg për tentativë vrasje.
57-vjeçari Agron Osmanllari, alias Osmani, alias Meka, në vitin 2019 ishte dënuar me 15 vite burg pasi ka tentuar të vrasë me armë zjarri në Bilisht Erion Çollakun.
Kjo ngjarje ka ndodhur në 3 maj 2018 në qytetin e Bilishtit ku pas një sherri në lokal ka mbetur i plagosur rëndë Erion Çollaku.
Agron Osmanllari ishte në lokal me mikun e tij Venetik Braho ku gjatë sherrit ai ka qëlluar me armë Çollakun duke e lënë të plagosur dhe më pas është larguar.