Igli Tare në një intervistë për “Süddeutsche Zeitung”, dha mendimin e tij për kuqezinjtë në prag të ndeshjes me Kroacinë.
Tare u shpreh se kuqezinjtë nuk e kanë përvojën e duhur në këtë turne dhe ky ishte problemi kundër Italisë.
Sipas tij kombëtarja nuk ka asgjë për të humbur pasi u vu në short me tre skuadra të cilat janë pretendentë për titull.
“Pres një lojë fizike kundër Kroacisë. Skuadra jonë duhet të përmirësohet në mbrojtje. Mbi të gjitha, përpara, të gjithë duhet të sakrifikojnë veten për ekipin në punën mbrojtëse, deri në rraskapitje. Kur dikush është i lodhur, duhet t’i lërë vend dikujt të ri. Unë bëj vetëm një kërkesë: Skuadra jonë duhet të tregojë uri dhe gatishmërinë për të vdekur në fushë për fanellën”, tha Tare.
