Një 19-vjeçar shqiptar u arrestua nga policia italiane pasi ai merrej me trafikimin e lëndëve narkotike.
Efektivët e policisë kishin vënë re diçka të çuditshme në shtëpinë e tij dhe menjëherë pasditen e së shtunës vendosën që të hynin dhe të kontrollonin.
Gjatë kontrollit në banesën e tij u gjet një laborator droge për prerjen dhe paketimin e kokainës, si dhe 400 gramë kokainë të ndarë në tre mbështjellës të mëdhenj, një peshore precize, lëndë prerëse të tipit manit dhe materiale të ndryshme të dobishme për paketimin e lëndës narkotike në doza.
Gjithashtu përveç këtyre u sekuestrua edhe kartëmonedha me vlerë 11.500 euro, që dyshohet se janë të ardhura të aktivitetit të trafikut të drogës.
