Arbër Hoxha, ylli i kombëtares në konferencën për shtyp përpara ndeshjes me Spanjën u shpreh se do të tentojnë për të marrë tre pikët që i kualifikojnë në fazën tjetër.
“Besoj që do të arrijmë fitoren me Spanjën. Spanja ka qejf me luajtur me topin, duhet të luajmë me kundërsulme dhe të jemi të kujdesshëm. Nga loja në lojë e kemi marrë veten më mirë.
Me Kroacinë ishim një fytyrë tjetër nga ajo me Italinë. Shpresojmë që në ndeshjen e tretë të luajmë edhe më mirë. Duam tre pikët me Spanjën. Në ndeshjen tjetër preferoj kualifikimin e Kroacisë ndaj Italisë” tha ai.
