Gjykata e Tiranës ka lënë në burg 23-vjeçarin nga Kosova Daors Gashi.
Ai u arrestua me 21 qershor në Rinas pasi skaneri zbuloi pistoletën që kishte në valixhe.
23-vjeçari po ikte drejt Italisë dhe po udhëtonte me një person tjetër me iniciale E.H.
Ai ka ngritur pretendimet se arma e zjarrit nuk është e tij por vetëm çanta, duke mohuar ekzistencën e saj.
Gjatë kontrollit në çantën e shpinës atij iu gjetën një armë zjarri pistolete e markës “Blo W Mini Mood 2023”, kalibër 8 mm me krehër brenda të cilit ndodheshin dy fishekë.
