Dy humbje dhe një barazim. Vetëm një pikë nuk mjafton për të kaluar grupin. Shqipëria humbi mbrëmjen e sotme përballë Spanjës me rezultatin 1-0. Goli u shënua nga Torres në të 13-tën e pjesës së parë. Spanja luante me formacionin e dytë.
Kuqezinjtë ishin për gjithcka ose asgjë. Tentuan në pjesën e parë por shumë pak. Në të dytën panorama ndryshoi kur u fut në fushë Arbër Hoxha, por edhe Muçi. Sulmuesi që luan me Dinamon e Zagrebit tentoi në disa aksione.
Edhe Broja pati dy raste të arta. Megjithatë ndërrimet ishin me mjaft vonesë. Koha nuk mjaftoi. Këtu mbyllet gjithcka. Kthim me lavdi në shtëpi pasi ishim në grupin e ferrit.
Në ndeshjen tjetër Italia barazoi 1-1 me Kroacinë me Zaccagnin në minutën e 8-të shtesë duke marrë vendin e dytë me 4 pikë. Kroacia i jep lamtumitën kompeticionit me 2 pikë.
