Një aksident ka ndodhur sot në Bilisht-Sinicë ku drejtuesi i një furgoni ka përplasur një motorr që drejtohej nga një i mitur.
Për pasojë ka mbetur i plagosur drejtuesi i motorrit dhe vëllai i tij i cili ishte pasagjer.
Devoll/Informacion paraprak
Më datë 27.06.2024, rreth orës 17:05, në aksin rrugor “Bilisht-Sinicë”, në afërsi të fshatit Miras, automjeti furgon tip “Volksëagen”, me drejtues shtetasin A. B., banues në fshatin Vidohovë, është përplasur me një motomjet pa targë, me drejtues një shtetas të mitur dhe pasagjer vëllain e tij, banues në fshatin Miras, të cilët për pasojë janë dëmtuar dhe u dërguan për mjekim në spital.
Me drejtuesin e furgonit shtetasin A. B., po kryen veprimet e mëtejshme procedurale.
Grupi hetimor po punon për të sqaruar rrethanat dhe përcaktuar shkaqet e aksidentit.
