Mjekja Alketa Ymeri Pere, pjesë e spitalit Onkologjik nën masë sigurie pas skandalit të trajtimit të pacientëve me kancer gjatë një prononcimi për gazetarët në vend që të fliste për skandalin është revoltuar me gazetarët se pse i kanë nxjerrë fotot të këqija nëpër media.
“Unë jam komplet e pafajshme, do të prononcohem më pas dhe do të sqarohet gjithçka. Në asnjë klinikë private unë nuk punoj. Më keni mërzitur ju gazetarët, sepse më keni shtrembëruar fotot, më keni nxjerrë fotot me sytë, kështu e ashtu.
E di se çfarë do të thotë një pacient me kancer në familje. Duhet të ndryshojë struktura, të ndryshojë e gjithë. Jam shumë e lumtur me prokurorin që e quajtur rrugëtimi. Çdo njeri në qelizë, duhet të dijë rrugëtimin e pacientit.
Në spitalin tonë nuk ka shkelje. Mund të ketë dikush që i drejton në spitalet private, por duhet të sqarohen mirë pacientët në privat’, tha mjekja Alketa Ymeri.
Skandali te Onkologjiku, mjekja nën hetim: Nuk kam dërguar pacientë në privat
