Kryefjalë e seancës së sotme të Kuvendit ishte skandali tek Onkologjiku. Opozita fajëson qeverinë me kryeministrin Edi Rama në krye. Deputeti Flamur Noka ka bërë thirrje për protesta për të rrëzuar qeverinë përballë këtyre skandaleve.
“E gjitha ka një burim propagandën, burimi i së keqes edhe tek onkologjiku edhe në çdo sistem tjetër, bëhet me regji që nesër Rama t’u thotë shqiptareve të lodhur e sfilitur me shëndetësinë falas ja fajtorët nuk jemi ne, janë mjekët, ata e hakan kumbulla pas shpine kryeministrit.
E gjitha kjo ka një qëllim, të spostohet vëmendja nga batërdia e qeverisë, ka mjekë që e ndyjnë bluzën e bardhë dhe e shkelin Betimin e Hipokratit, spitalet në Shqipëri janë në ditën më të zezë, të vetmit që janë brenda karakatinave janë stafi shëndetësor, në çdo spital ka problematika të rënduara në aspektin e imazherisë” tha ai.
