Ministri i Punëve të Brendshme të Kosovës Xhelal Sveçla ka reaguar në rrjetin soscial facebook lidhur me posterat për presidentin Vuçiç.
Ditën e sotme në veri të vendit janë gjetur postera mikpritës për presidentin serb Aleksandar Vuçiç.
Posterat ishin të vendosura në komunat në veri të Kosovës dhe me mesazhin “Komandant Suprem, ju presim”.
Sveçla paralajmëron se nëse Vuçiç është nisur drejt Kosovës pa marrë leje zyrtare, ai do të arrestohet.
“Nëse është nisur pa kërkesë te Ministria jonë e Punëve të Jashtme dhe Diasporës, edhe ne po e presim të vijë dhe mandej mund ta vizitoni në burg, ku ai i ka tashmë disa miq të tij”, shkroi Sveçla.
