Gazeta franceze “Le Monde” ka shkruar për vdekjen e kolosit të letrave shqipe, Ismail Kadare që ndërroi jetë në orët e para të ditës së sotme në banesën e tij në Tiranë.
“Ishte romani i parë i Ismail Kadaresë, “Gjenerali i ushtrisë së vdekur” – botuar në Shqipëri në vitin 1963 – që i solli famë, duke e bërë menjëherë një nga të paktët shkrimtarë shqiptarë të njohur ndërkombëtarisht.
I përkthyer në mbi 45 gjuhë dhe fitues i çmimeve më prestigjioze letrare (Man Booker, Prince of Asturias, Jerusalem Prize), Kadare vdiq në Tiranë të hënën, më 1 korrik, në moshën 88-vjeçare.
Ai lindi më 28 janar 1936 në Gjirokastër. Kadare e përshkroi atë në romanin e tij të vitit 1971 “Kronikë në gur” dhe në veprën e tij madhështore autobiografike të vitit 2015 Kukulla. Në jetën e tij si në tregimet e tij, Kadare kthehej gjithmonë në Gjirokastër.
Ai ishte një nga të paktët autorë shqiptarë të njohur dhe të përkthyer në mbarë botën” shkruan gazeta.
