Një grup prej 10 personash të maskuar kanë arritur të sulmojnë mjetin e blinduar që po lëvizte në autostradën Brindisi-Lecce në Itali.
Ata me anë të sulmit arritën që të grabisin 3 milionë euro.
Për të penguar mbërritjen e policisë në vendin e ngjarjes grabitësit i vunë flakën gjashtë makinave që ndodheshin në anën tjetër të autostradës.
Grabitësit u larguan në fshatrat përreth dhe policia gjeti 300 euro kartëmonedha që siç dukej i përkisnin atyre.
Nga hetimet e policisë rezulton që nuk ka të lënduar në mesin e rojeve që ndodheshin brenda mjetit të blinduar.
Zëvendëskryetari i komisionit parlamentar Antimafia, deputeti i Brindisit, Mauro D’Attis ndërhyri për këtë çështje dhe i kërkoi ministrit të brendshëm që të ndërhynte me vendosmëri për të kapur bandën që kreu grabitjen.
Gjithashtu edhe Senatori i Leçes, Roberto Marti, kërkoi dërhyrjen e ministrit, i cili “i dha një përgjigje të shpejtë”, me mbledhjen e komitetit krahinor për rendin dhe sigurinë, duke thënë se “akte të tilla janë të papërshkrueshme dhe nuk duhet të përsëriten”.
