Kreu i grupit parlamentar të Partisë Demokratike Gazment Bardhi kërkoi nga Kuvendi që të hetojë institucionet që japin kredi pasi pasojat po i vuajnë qytetarët.
Bardhi tha se në këtë rast e ka fajin Banka e Shqipërisë.
“Të evidentojmë përgjegjësitë ligjore të Bankës së Shqipërisë, si janë liçensuar, si janë monitoruar, kur ka vepruar për ti hequr liçencën, sepse ka vepruar pasi Prokuroria ka nisur hetimet, pse nuk ka ndërhyrë për ti bllokuar në kohë, çfarë masash ka marrë”, shprehet Bardhi.
Pas kësaj që tha Bardhi reagoi menjëherë deputeti socialist Eduart Shalsi.
Shalsi tha se “Jo vetëm unë, por edhe shumë kolegë këtu në këtë sallë, nuk e bëjmë gjumin e qetë. Unë po e hetoj rastin, po mbledh të gjitha të dhënat e nevojshme, por nuk mund të përdoret kjo ngjarje për të sulmuar institucionet e pavarura”.
