Bashkimi Demokratik Minoritetit Etnik Grek Omonoia ka reaguar pas heqjes së mandatit të Fredi Belerit dhe zgjedhjeve të reja në Himarë.
Omonia thotë që vendimi i Ilirjan Celibashit “Përveçse i paprecedentë, pa asnjë bazë ligjore nuk është i ekzekutueshëm”.
Sipas Omonia, komisioneri nuk referon në asnjë ligj, cili e bën të ekzekutueshëm menjëherë vendimin e tij administrativ.
“Dekreti i Presidentit është antikushtetues! Sipas nenit 10/3 të Kodit Zgjedhor Presidenti shpall zgjedhjet e parakohshme pasi ka kaluar afati i ankimit të subjektit të shkarkuar. Presidenti ka zbatuar një akt administrativ që nuk ka filluar efektet pasi nuk ka mbaruar afati i ankimit të subjektit të shkarkuar, madje afati I ankimit nuk ka filluar akoma!”, shprehet Omonia.
