I dënuari me 10 vjet burgim për përfshirje në vrasjen e politikanit serb Oliver Ivanovçit, Marko Roshiç është arratisur. Këtë e ka konfirmuar zëvendësdrejtori i Policisë për veri, Veton Elshani.
“Po, më 28 qershor ka ikur. Edhe ai nuk ka qenë në burg”, ka deklaruar Elshani.
Në anën tjetër, mbrojtësi i Roshiç, avokati Mahmut Halimi tha për “Betimi për Drejtësi” se nuk është parë dhe dëgjuar me të, por nga mediat ka kuptuar se është arratisur.
“Unë sa e kam kuptuar prej mediave ai është arratisë, as nuk jam pa as nuk jam ni me ta”, ka deklaruar Halimi.
Gjykata Themelore në Prishtinë, më 28 qershor 2024 ka shpallur aktgjykim dënues ndaj të akuzuarve për vrasjen e politikanit serb, Oliver Ivanoviç.
