Spanjë do të ndeshet sonte në orën 21:00 me Francën, ku do të dalë finalistja e parë. Takimi do të zhvillohet në Allianz Arena, ku pritet që të 66 mijë vendet e stadiumit të jenë plot.
Iberikët vijnë të gjymtuar në këtë takim pas eliminimit të Gjermanisë dhe me mungesa të rëndësishme, teksa “Gjelat” kanë në dispozicion të gjithë organikën, pavarësisht minutave të shumta që lojtarët kanë në këmbët e tyre pasi dy ndeshjet e fundit kanë shkuar me shtesë.
Nesër në të njëjtën orë do të luhet dhe gjysmëfinalja tjetër mes Anglisë dhe Holandës për të përcaktuar dhe finalisten tjetër.
