Ministri i Mbrojtjes, Ejup Maqedonci deklaroi se edhe vdekja e Milan Radoiçiç mund të mos e zgjidhte problemin e sulmeve në veri.
“Edhe vdekja e tij [Radoiçiç] mund të mos e kishte zgjidhur problemin. Problemi në thelb është politik. Përderisa Serbia e mbështet këtë lloj grupi, por të mos jetë Radoiçiç do të jetë dikush tjetër”, tha Maqedonci për RTV21.
Sipas tij, duhet një presion ndërkombëtar ndaj Serbisë së pari për të ndryshuar qëndrimet politike në raport me Republikën e Kosovës, pastaj edhe veprimet operacionale.
“Në këtë rast Radoiçiç është një vegël që është tentuar të shfrytëzohet për të arritur objektivat politike dhe kriminale”, tha ai.
