Drejtuesi i SPAK-ut, Altin Dumani ka folur për herë të parë publikisht për Pal Trashajn, i cili vrau veten duke pirë helm në derën e prokurorisë pasi skandali i mikrokredive e zhvati dhe e rrënoi.
“E kam përjetuar keq si qytetar dhe si prokuror. Kemi bërë një njoftim për shtyp po atë ditë. Qytetari ka pas bërë kallëzim disa kohë më parë, ka ardhur tek dezhurni, ka kërkuar takim me hetuesin që kishte marrë kontakt, hetuesi ka qenë i angazhuar me një veprim tjetër hetimor.
Nuk ka kërkuar takim me drejtuesin. Unë isha jashtë, por institucioni funksionon. Edhe drejtuesi i caktuar nuk është kërkuar takim. Ngjarja shumë e dhimbshme. E kemi përjetuar keq.
Qytetarët ngaqë kanë rritur pritshmërinë dhe besueshmërinë tek ne, shpesh drejtojnë letra tek ne, por në shumicën absolute nuk janë në kompetencën tonë ligjore. Ne i adresojmë ku duhet të shkojnë. Por uroj që ngjarje të tilla nuk duhet të ndodhin më” tha ai.