Një ngjarje e rëndë ka ndodhur sot në rrugën “Filip Shiroka” të Shkodrës, ku dy persona janë plagosur pas një konflikti për motive të dobëta. Rreth orës 11:40, shtetasi G. K. (76 vjeç) ka sulmuar me thikë shtetasit F. G. (51 vjeç) dhe K. G. (49 vjeç), të cilët, fatmirësisht, janë jashtë rrezikut për jetën.
Policia ka reaguar menjëherë dhe falë veprimeve të shpejta, ka arrestuar autorin e dyshuar, G. K., në vendngjarje. Në një deklaratë për mediat, autoritetet konfirmuan se dy të plagosurit janë në gjendje stabile.
Grupi hetimor po vijon punën për të sqaruar plotësisht rrethanat e ngjarjes dhe për të zbardhur arsyet që çuan në këtë përplasje.
