Trajneri i Elbasanit, Ivan Gvozdenovic, është shprehur optimist për ndeshjen e kthimit në Kupë ndaj Egnatias, pas barazimit 1-1 në ndeshjen e parë gjysmëfinale.
Ai theksoi se sfida e dytë në Elbasan do të jetë një ndeshje e hapur dhe e fortë, duke pritur një përballje me shumë gola.
“Do të luftojmë për qytetin, tifozët dhe Elbasanin.
Jemi gati për çdo gjë, për shtesa, për penallti, dhe do të japim maksimumin,” tha Gvozdenovic, duke shtuar se atmosfera pozitive dhe mbështetja e tifozëve do të jenë një faktor përcaktues.
