Deputeti demokrat Bledion Nallbati ka reaguar me anë të një postimi në rrjete sociale në lidhje me protestën e fermerëve të fshatrave të Maliqit.
Nallbati shprehet se fermerët po protestojnë për djersën e tyre, ndërsa languat e pushtetit i gjobisin me nga 1 milionë lekë se bllokuan rrugët.
“Fermerët në gjithë Shqipërinë po përballen me vështirësi, kanë zero mbështetje nga ana e qverisë dhe ato fonde që garantohen nga partnerët europian, vidhen dhe abuzohen. Korrupsioni po mban peng më shumë se 112 milion euro të fondeve IPARD”, shprehet Nallbati.
Më pas ai shkruan se kjo situatë nuk mund të vazhdojë kështu.
Nallbati u bën thirrje qeverisë që të merren masa në mënyrë që të garantohet treg për prodhimet vendase dhe të mos vendosen gjoba.
