Një ekip i shkencëtarëve në Laboratorin e Shkencës Mjekësore dhe në Kolegjin Imperial të Londrës ka zbuluar një ilaç që mund të zgjasë jetën e minjve laboratorik me 25%, raporton The Independent.
Studiuesit kanë identifikuar se përdorimi i një trajtimi që deaktivizon proteinën interleukin-11 (IL11) ka sjellë një zgjatje të jetëgjatësisë së minjve. Kjo metodë ka treguar se redukton vdekshmërinë nga kanceri dhe ul ndikimin e sëmundjeve të inflamacionit kronik dhe metabolizmit të pa rregullt.
Minjtë që morën trajtimin jetuan për rreth 155 javë, krahasuar me ato që nuk e morën, të cilët jetuan për 120 javë. Ky zbulim ka shkaktuar optimizëm për mundësinë e aplikimit të këtij ilaçi edhe te njerëzit në të ardhmen, për të luftuar efektet e plakjes dhe sëmundjet që vijnë me moshën e shtyrë.
