Gazeta britanike ‘Guardian’ shkruan se një shqiptar, i cili mbahej i shtruar në një pavijon psikiatrik në Angli, u mor direkt nga krevati i spitalit për t’u deportuar.
Sipas raportit, shqiptarit iu dërguan dokumentet në spital nga një mjek dhe jo nga zyrtarët e Ministrisë së Brendshme.
Shqiptari i firmosi dokumentet, por vëzhguesit e organizatës IMB thonë se nuk është e sigurt se çfarë ka firmosur ai.
Dokumentet ishin në anglisht dhe shqiptari mendohet se nuk ka njohuri të mira për gjuhën.
Pasi u mor nga psikiatria, ai u dërgua në aeroport për t’u dëbuar drejt Shqipërisë.
