Policia e Tiranës ka referuar në prokurori aktivisten e opozitës Adriana Kalaja.
Aktivistja e opozitës Adriana Kalaja me anë të një deklarate të saj shprehej se kishte një foto ku pistoletën ia kishte vënë në kokë kryeministrit Edi Rama.
“Ju e dini se mua nuk më lodh as mikrofoni, as pistoleta. Jam këtu për t’i thënë ndokujt, mjaft u more me foton time me pistoletë sepse kam një foto më të bukur ku unë pistoletën e kam vënë në kokë të Edi Ramës”, ka thënë aktivistja gjatë protestës së fundit para bashkisë Tiranë.
Pas kësaj deklarate policia kërkon hetime për kanosje për shkak të detyrës së kryeministrit.