Ministri i Brendshëm Taulant Balla në fjalën e tij në Kuvend u shpreh se ftoj opozitën që të mbështesë ligjin për policinë e shtetit.
Balla tha se ky ligj synon që të vendosë qytetarin në qendër.
“Pjesë më e madhe e punonjësve të policisë së shtetit janë njerëz të respektuar dhe të dedikuar për të bërë punën me ndershmëri. Por për asnjërin nuk e ve dorën në zjarr, sepse edhe agjencitë që kanë raportuar në Kuvend edhe unë e kam thënë shpesh herë, janë 253 procedime për një vit, që turpërojnë uniformën e Policisë së Shtetit”, u shpreh Balla.
Më pas ai tha se është i bindur që në 2030 Shqipëria do të jetë anëtare e BE dhe secili ka përgjegjësinë që të bëjë gjithçka që është e mundur për të arritur objektivin historik.
