Gjykata e Posaçme vendosi sot vazhdimin e masës së sigurisë “arrest me burg” për biznesmenin Valter Begaj.
Sipas hetimeve të SPAK, Begaj është ortak i Evis Berberit dhe personi që ka shërbyer në pastrimin e parave të përfituara përmes tenderave të paligjshme nga kreu i ARRSH-së.
Evis Berberi shiti aksionet e kompanisë DAAM të Begajt më një vlerë prej 1.7 milionë euro edhe pse i kishte blerë për vetëm 800 euro.
Gjithashtu Begaj ishte zotërues edhe i kompanisë NET-GROUP , aty ku ka fituar tenderat në mënyrë jo të ligjshme nga ana e Berberit.
Këto të ardhura që vinin nga tenderat dërgoheshin te kompania DAAM e cila sipas SPAK kontrollohej edhe nga Berberi.