Kreu i Partisë së Lirisë Ilir Meta ka nisur fushatën nga Kamza ku dhe do të kandidojë si deputet në zgjedhjet e ardhshme.
Nëpërmjet një postimi në mediat sociale ai ka ndarë dhe momente nga takimi me qytetarët.
“100 mijë duar për 100 mijë zemra (vota). Sot në Bashkinë Kamëz nisa fushatën time si President i Partisë të Lirisë për të shtrënguar duart drejtpërdrejt me të paktën 100 mijë qytetarë të Qarkut të Tiranës, ku do të kandidoj për deputet në zgjedhjet e ardhshme. Takimet e drejtpërdrejta dhe shpalosja e 5 prioriteteve tona do të bëjë të mundur objektivin tonë madhor për përmbysjen e madhe demokratike dhe ndalimin e shpopullimit të Shqipërisë”, shkruan Meta.
