Nesër Partia Socialiste mbledh Kongresin Zgjedhor në orën 11:00 tek pallati i Kongreseve.
Në këtë Kongres do të votohet Asambleja e re me 350 anëtarë, por Kongresi do të zgjedhë vetëm 156 prej tyre, pasi anëtarët e tjera janë automatikisht për shkak të funksionit (kryetarët Kuvendi, deputetë, ministra, kryetarë bashkish).
Theksi do të vendoset tek energjizimi dhe anëtarësimet e reja teksa jemi vetëm pak muaj para zgjedhjeve të 2025. Do të prezantohet edhe një platformë për përzgjedhjen e deputetëve.
Axhenda e Kongresit të PS-së
Sesioni i parë do të jetë i ndarë në tre pjesë: Mirëqeverisja, antikorrupsioni dhe partia
- Kongresi fillon me arritjet e qeverisë
- Antikorrupsioni (Flasin Adea Pirdeni, Fatmir Xhafaj)
- Partia (Blendi Klosi, Elisa Spiropali dhe Bora Muzhaqi për nismën “Deputeti që duam”)
- Në përmbyllje të këtij sesioni do të flasë kryeministri Edi Rama
- Votimi i Asamblesë së re
