Kosova i ka sot sytë nga Nora Gjakova dhe vëllai i saj, Akili në Lojërat Olimpike “Paris 2024”.
Sot në “Champ De Mars Arena”, në afërsi të Kullës së Eiffelit në Paris zhvillohen garat e xhudos në kategorinë deri 73 kilogramë te xhudistët dhe kategorinë deri 57 kilogramë te xhudistet.
Nora garon në kategorinë deri 57 kg. Akili kërkon medaljen olimpike në kategorinë deri 73 kilogramë. Në Tokio, tre vjet më parë Akili kishte ecuri pozitive por jo të mjaftueshme për të fituar medalje. Tani synon podiumin.
Në ditën e dytë të garave, të dielën Distria Krasniqi fitoi medaljen e argjendtë në kategorinë deri 52 kilogramë.
