Shtyhet për nesër mbledhja e Parlamentit për miratimin e emrave të rinj të ministrave që kryeministri Edi Rama njoftoi në Kongresin socialist që u zhvillua dje në pallatin e Kongreseve. Fillimisht seanca u caktua për sot në 18:00, por mëngjesin e sotëm u shty me 24 orë. Arsyet nuk dihen.
Ndoshta Presidenti ka kërkuar më shumë kohë për dekretimet e emrave të rinj të kabinetit. Gjithashtu nesër Elisa Spiropali ngjitet në drejtimin e Parlamentit pas largimit të Nikollës.
Ndryshimet në qeveri
Ministria e Brendshme – Largohet Taulant Balla, vjen Ervin Hoxha
Ministria e Financave – Largohet Ervin Mete, vjen Petrit Malaj
Ministria e Mbrojtjes – Largohet Niko Peleshi, vjen Pirro Vengu
Ministria e Shtetit për Marrëdhëniet me Parlamentin – Largohet Elisa Spiropali, vjen Taulant Balla
