Ditën e sotme në Vlorë një 28-vjeçar u arrestua pasi së bashku me xhaxhain e tij kanë dhunuar një person tjetër.
28-vjeçari Kejvi Bendaj dhe xhaxhai i tij Lulzim Bendaj 47 vjeç të dy banues në fshatin Panaja, Vlorë kanë dhunuar fizikisht një 36-vjeçar.
Dyshohet se për motive të dobëta ata kanë dhunuar 36-vjeçarin me iniciale O.A., dhe i kanë dëmtuar me sende të forta automjetin e tij të parkuar tip “Alfa Romeo”.
Në kërkim është shpallur 47-vjeçari.
Ndërsa materialet procedurale i kaluan Prokurorisë së Vlorës, për veprime të mëtejshme.