Lideri i Bashkimit Demokratik për Integrim Ali Ahmeti me anë të një postimi në rrjetet sociale reagoi në lidhje me incidentin në aeroportin e Shkupit me Vjosa Osmanin dhe shoqëruesit e saj.
Ahmeti shprehet se e dënon këtë incident në formën më të ashpër të mundshme dhe ndihet i turpëruar dhe kërkon që ti falin.
“Unë skuqem nga turpi i tyre dhe lus të gjithë vëllezërit dhe motrat në Kosovë, por edhe qytetarët tanë, që t’i falin për arsye se nuk dinë se ç’bëjnë.
Kur nuk kanë turp të shkelin mbi popullin e vet, mbi vullnetin demokratik të qytetarëve në zgjedhje e të vihen në shërbim vazal e servil të tjetër kujt duke na sjell Putinin e Vuçiçin në Qeveri, atëherë si pyet askush për asgjë dhe na turpërojnë çdo ditë, nga disa herë me radhë”, shkruan ai.
