Lideri i opozitës Sali Berisha në fjalën ndaj mbështetësve të tij u shpreh se në provë është ekzistenca e opozitës së vërtetë dhe jo fasadë.
“Studentët e Bangladeshit përzunë sot kryeministren e tyre kriminele sepse i diskriminonte ata. Sepse kishte krijuar edhe ajo si Edi Rama një elitë shushunjë, që i vidhte çdo sekondë, çdo minutë, çdo ditë qytetarët e varfër të Bangladeshit. Që u vidhte votën, që u merrte lirinë”, u shpreh Berisha.
Ai theksoi se do të qëndrojë opozita për të firmosur vjedhjen e radhës së mandateve nga Rama.
“Prova e vërtetë tani është para nesh. Do qëndrojmë ne opozitë për të firmosur vjedhjen e radhës të mandateve. Do të qëndrojmë ne opozitë për të firmosur mandatin e katërt mbi krimin elektoral të Edi Ramës, apo do përballemi dhëmb për dhëmb, fyt për fyt”, tha Berisha.
