Një 78-vjeçar është arrestuar sot në Tiranë, pas një incidenti tragjik në një azil privat për të moshuarit.
Sipas burimeve, i moshuari ka sulmuar shokun e tij të dhomës, një 82-vjeçar, me bastun e tij, duke shkaktuar vdekjen e tij. Autoritetet kanë kualifikuar ngjarjen si “Vrasje me dashje”.
Specialistët nga Sektori për Hetimin e Krimeve të Rënda në DVP Tiranë, në bashkëpunim me Komisariatin e Policisë Nr. 1, kanë bërë arrestimin në flagrancë të shtetasit 78-vjeçar.
Sipas njoftimit të policisë, incidenti ka ndodhur në mëngjesin e sotëm dhe dyshohet se motivi për sulmin ishte i dobët.
