Këngëtari amerikan Jason Derulo ka mbërritur në Tiranë për koncertin e tij të parë në Shqipëri, që do të zhvillohet sonte në Stadiumin “Selman Stërmasi”.
Koncerti pritet të jetë një ngjarje e madhe muzikore, duke tërhequr mijëra fansa të emocionuar për të parë live artistin e hiteve globale si “Swalla”, “Wiggle” dhe “Talk Dirty”. Derulo ka shfaqur entuziazmin e tij për vizitën në Shqipëri nëpërmjet rrjeteve sociale, duke ndarë pamje nga momenti i aterimit.
Pritet që nata të jetë plot energji dhe performanca e tij të ofrojë një përvojë të paharrueshme për publikun shqiptar.
