Dy persona të prezantuar si të huaj kanë vjedhur një shumë të konsiderueshme parash në një shkëmbimi në Shkodër.
Ata janë prezantuar si ukrainas dhe pasi kanë kërkuar shumën e parave në euro dhe personi në këtë pikë shërbimesh i ka bërë gati eurot të ndara në dy zarfe duke qëndruar në pritje që dy të huajt t’i sillnin lekët. Personat kanë ndërruar zarfet duke marrë ato me euro dhe duke lënë dy zarfe të mbushura por pa euro brenda.
Më pas është bërë denoncimi në policinë e Shkodrës dhe janë këqyrur edhe kamerat e sigurisë në rrugët e qytetit për të bërë të mundur gjetjen dhe identifikimin e dy të huajve që vodhën eurot.
Ndërkohë kjo pikë shërbimesh kërkon ndihmën e kujtdo që në rast se i shohin diku të lajmërojnë menjëherë policinë. Policia po heton për gjetjen sa më parë të tyre.
