Deputeti i PD Tritan Shehu, me anë të një postimi në rrjetet sociale ka shprehur shqetësim për mungesën e transparencës nga Kryeministri Rama lidhur me bisedën telefonike me Presidentin turk Erdogan.
Ai vuri në dukje se, ndërsa agjencia zyrtare turke ofroi transparencë për përmbajtjen e bisedës, Rama dhe zyra e tij nuk e kanë bërë këtë për publikun shqiptar.
“Mungesa e njoftimit nga Rama është një shkelje e rregullave demokratike dhe një tregues i mungesës së transparencës”, shkruan Shehu.
Ai sugjeroi se heshtja mund të interpretohet si një nënvlerësim të rëndësisë së bisedës, një hermetizëm jo demokratik ndaj publikut, ose frikë nga transparenca e argumenteve të diskutuar.
“Opinioni ka te drejte te ketë dijeni ne demokraci, por fatkeqësisht kjo është një tjetër dëshmi e mungesës se thelle te demokracisë ne vendin tone. Opinioni e media jone duhet te ngrenë zërin fort…”, përfundon në shkrimin e tij deputeti.
