Delegacioni që përfaqësoi Shqipërinë në Lojërat Olimpike ‘Paris 2024’ ka mbërritur në Tiranë.
Kreu i Komitetit Olimpik Kombëtar Shqiptar Fidel Ylli tha se sot është një ditë e rëndësishme për sportin.
“Shqipëria ka hyrë në listën e medaljeve olimpike, falë Dudaev dhe Valiev, që ngritën flamurin kuqezi në Paris, gjë që ne e kishim ëndërruar. Të gjithë bashkë u munduam, këtu falenderoi edhe Seit Prizrenin, kreun e Federatës së Mundjes”, u shpreh Fidel Ylli.
Ai tha se synimi ynë ishte një medalje olipike dhe ia dolëm.
“Këta sportistë janë ambasadorët më të mirë të Shqipërisë dhe ky është një mesazh për Kuvendin dhe qeverinë që të bëjnë më shumë”, tha kreu i Komitetit olimpik.
