Ministri i Mbrojtjes Pirro Vëngu me anë të një postimi në rrjetet sociale u shpreh që situata e vatrave të zjarrit po mbahet nën kontroll në bashkinë e Selenicës.
“Pas një nate përpjekjesh e pune të pandërprerë, strukturat operacionale të Emergjencave Civile në nivel lokal dhe qendror, nën koordinimin e Agjencisë Kombëtare të Mbrojtjes Civile, kanë arritur të vënë nën kontroll vatrat e zjarrit në bashkinë e Selenicës”, shkruan Vëngu.
Ai u shpreh se rreziku për banesat është eleminuar dhe situata mbetet nën monitorim të vazhdueshëm.
“Në ndihmë të forcave vendore janë bashkuar edhe dy ekipe zjarrfikësish nga Forcat e Armatosura. Në ndihmë të forcave vendore janë bashkuar edhe dy ekipe zjarrfikësish nga Forcat e Armatosura. Mirënjohje të gjithë efektivëve për punën e tyre heroike në mbrojtje të jetës dhe pronës së qytetarëve”, tha Ministri i Mbrojtjes.
