Irani ka deklaruar se nuk do të dërgojë përfaqësues në bisedimet e ardhshme në Katar për armëpushimin në Gaza.
Në një deklaratë për AP, Misioni i Iranit në OKB theksoi se nuk janë angazhuar në negociatat indirekte midis Hamasit dhe Izraelit, të ndihmuara nga Egjipti, Katari dhe SHBA-ja, dhe nuk kanë synim të përfshihen në to.
Kjo deklaratë vjen ndërsa SHBA-të po shtyjnë për një armëpushim me shpresën se do të parandalojë Iranin dhe aleatët e tij nga nisja e sulmeve hakmarrëse ndaj Izraelit, pas vrasjeve të shefit politik të Hamasit, Ismail Haniyeh, dhe komandantit të Hezbollahut, Fuad Shukr.
