Shqipëria, destinacioni i ri mesdhetar ofron brigje të pacenuara, male dhe një nga lumenjtë e fundit të egër në Evropë, Lumi i Vjosës. Një vend në lëvizje dhe me një trashëgimi të pasur kulturore. sipas një artikulli të botuar në të përditshmen gjermane “Prisma”.
Ka pasur një tendencë në rënie për të planifikuar udhëtime në vende të largëta për pushime.
Shqipëria – dikur një vend i izoluar – në kohën e komunizmit – tani po gezon një reputacion si një destinacion i guximshëm, i pacënuar dhe plot aventura.
Shqipëria po bëhet gjithnjë e më shumë një destinacion popullor turistik.
Me plazhe që të lënë pa frymë, male piktoreske dhe një histori të pasur, vendi mesdhetar ofron një alternativë interesante kundrejt destinacioneve të mbipopulluara të pushimeve si Italia apo Greqia.
Shqipëria ofron gjithçka për çdo lloj vizitori. Nuk është çudi që Tirana dhe Riviera Shqiptare të bien në sy!
Bregu i Shqipërisë në detin Jon ofron të gjitha bukuritë tipike të rivierës mesdhetare, por pa turma vizitorësh dhe çmime të larta.
Në veri, mund të shijoni peizazhin malor kryesisht të paprekur, me lumenj bruz që rrjedhin nëpër një horizont të pafund majash të mjegullta.
Në bregdet, ujërat blu të shndritshëm takohen me plazhet ranore të ndriçuara nga dielli, të ndara nga brigje shkëmbore dramatike, dhe në brendësi mund të zbuloni kulturën tradicionale shqiptare.
Dhërmiu është një nga vendet më magjepsëse për pushime verore.
Plazh i gjerë me rërë, bare plazhi dhe një numër në rritje vendpushimesh.
Në fshatin e vjetër bregdetar po punohet për ruajtjen e traditës dhe paprekshmërinë falë financimit të BE-së.
Shtëpitë e vjetra po restaurohen dhe shndërrohen në hotele – duke ruajtur vlerat historike.
Vetëm aventurë! Ju mund të shijoni pamjet mahnitëse të Rivierës Shqiptare përmes një udhëtimi me varkë.
Kryeqyteti, Tirana është i ri dhe plot gjallëri – ngjyrat e theksuara të mureve të ndërtesave largojnë zymtësinë e arkitekturës komuniste.
Shqipëria ofron hotele të reja edhe në fshatrat e vjetër. Një vend në tranzicion që po zhvillohet me ritme të shpejta!
