Drejtori i Policisë së Shtetit Muhamet Rrumbullaku tha që aludimet që është fshehur ngjarja në Pogradec nga shefi i Komisariatit nuk janë të vërteta.
Rrumbullaku u shpreh se janë sekuestruar kamerat dhe janë kryer të gjitha veprimet e hetimeve.
“Si rezultat i veprimeve profesionale të kryera nga grupi hetimor, u bë e mundur zbardhja dhe dokumentimi i ngjarjes. Është identifikuar autori dhe arrestuar tre të tjerë për moskallëzim krimi. Drejtoria e Policisë Korçë ka dhënë njoftimin e parë zyrtarë, që për arsye të ndryshme u deformua dhe u mohua”, tha drejtori i policisë së Shtetit.
Më pas ai u shpreh se do të merren të gjitha hapat ligjore për gjetur transparencë mbi shkaqet e kësaj ngjarje.
“Baltosja në këtë rast është jo thjeshtë e pabazuar por është e dënuar moralisht dhe ligjshmërisht. Dua tu bëj me dije se do të ndërmerren hapa ligjore për të bërë deri në fund transparencë mbi shkaqet e këtij dezinformomi. Ngjarjet janë të qarta si drita e diellit. Ne e kemi referuar si vrasje me dashje”, tha Rrumbullaku.
