Policia e Lushnjës ka arrestuar një 70-vjeçar me iniciale R.S., banues në fshatin Karbunarë, dyshohet se ndezi zjarr në tokën e tij për të djegur mbeturinat.
Si pasojë e përhapjes së flakëve u dogjën rreth 50 ha tokë me pemë frutore dhe ullishte. Gjithashtu nga zjarri u rrezikuan disa banesa përreth.
Menjëherë në vendngjarje arritën policia, forcat zjarrfikëse dhe emergjenca civile të cilët bënë të mundur evakuimin e banorëve dhe shuarjen e flakëve.
Ndërsa një 37-vjeçar me iniciale D.C., u procedua penalisht pasi tentoi të pengojë punonjësit e policisë në shoqërimin e banorëve që ishin të pranishëm në vendngjarje gjatë rënies së zjarrit.
Ndërkohë materialet procedurale i kaluan Prokurorisë për veprime të mëtejshme.
