Gjykata e Posacme ka lënë në fuqi masën e sigurisë ‘arrest në burg’ ndaj Plarent Dervishajt, i cili akuzohet për vrasjen e Klodian Salit dhe Vajdin Lamajt.
Plarent Dervishaj u ekstradua dy ditë më parë nga Dubai pasi ishte i shpallur në kërkim ndërkombëtar.
Në seancën gjyqësore ai tha se sjellja e tij në Shqipëri nuk është as deportim as ekstradim por është “rrëmbim personi”.
Ai u shpreh se është i pafajshëm dhe nuk ka lidhje me vrasjen e Klodian Salit dhe Vajdin Lamajt.
“Më 6 gusht më kanë ardhur në shtëpi forcat speciale të Dubait. Më kanë thyer derën me pretekstin se të rrezikohet jeta dhe kundrejt teje po zhvillohet një atentat. E kanë çuar te stacioni i policisë në Dubai dhe nuk është lejuar të flasë me avokatin. Aty e kanë mbajtur 10 ditë dhe më pas me kanë hipur ne avion dhe arrestimi është bërë në Rinas”, tha Plarent Dervishaj.
