Kisha Ortodokse Autoqefale e Shqipërisë ka njoftuar se është ndarë nga jeta Thoma Dhima.
Kisha Ortodokse thotë që Thoma Dhima ka shërbyer me përkushtim për tri dekada si gazetar, përgjegjës i zyrës së shtypit dhe kryeredaktor i gazetës “Ngjallja”.
“Ishte një nga bashkëpunëtorët e ngushtë të Kryepiskopit Anastas që në vitet e para të ringritjes kanonike të Kishës Orthodhokse Autoqefale të Shqipërisë. Familja humbi një bashkëshort dhe një prind shëmbullor, Kisha humbi një punëtor të mirë dhe Kryepiskopi Anastas një bashkëpunëtor të ngushtë. Kontributi i tij në Kishën Orthodhokse Autoqefale të Shqipërisë do të kujtohet për shumë kohë”, shkruan Kisha Ortodokse.
