Në fshatin Lajthizë në Mirditë, një 68-vjeçar është gjetur i vrarë me armë zjarri në shtëpinë ku kalonte muajt e verës.
Ai është qëlluar nga dritarja e dhomës ku flinte. E bija, L. R., e ka gjetur të pajetë pas dy ditësh që nuk kishte pasur kontakt me të.
Policia ka mbërritur në vendngjarje dhe ka nisur hetimet për të zbuluar autorin e krimit dhe rrethanat e ngjarjes.
Po ashtu, disa banorë të fshatit janë shoqëruar për veprime të mëtejshme. Hetimet janë në drejtimin e Prokurorisë.