Dritan Dajti, i dënuar përjetë për vrasjen e katër policëve në gusht 2009, ka depozituar një kërkesë të re për lirimin nga burgu në Gjykatën e Elbasanit.
Ai pretendon se ka përfunduar dënimin me 25 vjet burg, vendim i dhënë nga Gjykata e Apelit që pranoi kërkesën e tij për gjykim të shkurtuar, por që më pas u rrëzua nga Gjykata e Lartë, e cila e dënoi me burgim të përjetshëm.
Avokatët e Dajtit kanë argumentuar se ai po mbahet në burg në mënyrë të paligjshme, pasi nuk ka një urdhër ekzekutimi të Prokurorisë për vendimin e burgimit të përjetshëm të lënë në fuqi nga Gjykata e Lartë.
Ata kanë kërkuar që ai të lirohet, duke theksuar se nuk është marrë një urdhër i nevojshëm për të ekzekutuar dënimin e përjetshëm. Ndërkohë, IEVP Peqin i është drejtuar SPAK për të marrë urdhër ekzekutimi nga Gjykata e Lartë, që më pas e ngarkoi Prokurorinë e Elbasanit.
