Komisioni Qendror i Zgjedhjeve (KQZ) ka njoftuar hapjen e afateve për certifikimin e subjekteve politike dhe dorëzimin e listave të kandidatëve për zgjedhjet e parakohshme të 7 qershorit.
Subjektet e reja politike, përfshirë koalicionet, nismat qytetare dhe kandidatët e pavarur, duhet të dorëzojnë aplikimin për certifikim nga data 2 deri më 10 maj.
Partitë politike ekzistuese janë automatikisht të certifikuara. Po ashtu, periudha për dorëzimin e listave të kandidatëve është nga 2 deri më 12 maj, për të gjitha subjektet, përfshirë partitë dhe kandidatët e pavarur.
Dorëzimi i listave do të bëhet përmes platformës elektronike të KQZ-së, sipas procedurave të zgjedhjeve të fundit.
